Во Македонија од рак на дојкa заболуваат по 4 жени дневно, а најмладатa пациентка е на возраст од 20 години, 35 % од карциномите се дијагностицирани на возраст под 55 години, 12 % под 45 години . Годишно во ЕУ повеќе од 550 000 жени заболуваат од карцином на дојка, но најновите податоци говорат дека 90 % од сите видови на карциноми можат да бидат излекувани доколку навреме се дијагностицираат. А најлесната метода која треба да започне од 20 години е самопрегледот во домашни услови. Во таа насока беше и денешното едукативно предавање за матурантките од СОУ “Ванчо Прке“ од страна на локалниот координатор за “БОрка“ , Снежана Секуловска.
Предавањето беше информативно, учениците имаа и практичен дел за вршење самопреглед, а во рамките на месецот за борба против рак на дојка се оддржаа и консултативни предавања за членките на Борка од Виница, кои и годинава беа активни учесници во Розовата прошетка во Скопје. Сите овие активности на координаторот Секуловска , и на локланиот огранок на Борка се поддржани од општина Виница.
Галерија
