Најбројното пензионерско оро денес се играше во дворот на Манастирот “Св.Спас“ кој на денешен ден, 13-ти септември, го слави рамото на црквата, a веќе осма година е на Програмата на Здружението на пензионери на Виница. Повеќе од 1000 пензионери од Виница, Кочани, Делчево, Берово, М.Каменица, Радовиш, и од Долнени,Прилепско беа дел од оваа пензионерска манифестација која за луѓето во седмата , осмата и деветтата деценија е вистинско задоволство, повод за убава дружба и квалитетно исполнети пензионерски денови. Градоначалникот Ивица Димитров како покровител на овој настан ги поздрави присутните, посакувајќи им континуитет во организирањето на овие дружби, а ги поздравија и претседателот и домаќин од виничкото здружение Петруш Данилов, како и претставници од Сојузот на пензионери. За гостите денес се служеше манастирско посно гравче со риба, така да целата манифестација уредно збогатена со музика , беше одличен издувен вентил за луѓето од третото доба.
Галерија
