Туристичка понуда

Мобилност
Средби со граѓани
Улично осветлување

Сите вести

Меѓународниот ден на лицата со попреченост

3 Декември – Меѓународниот ден на лицата со попреченост, градоначалникот Митко Костадиновски, денес оствари посета на Дневниот центар за згрижување на лица со попреченост, каде што беше пречекан со топлина, насмевки и искрена радост. Посетата беше збогатена со посебно изненадување – дечиња од детската градинка „Гоце Делчев“, кои пристигнаа да го разубават денот на корисниците на центарот.
Заедно со градоначалникот, директорката на центарот, вработените, децата и сите лица со попреченост, беа организирани забавни активности и игри што создадоа весела, пријателска и позитивна атмосфера. Дружењето ги спои различните генерации, покажувајќи дека радоста и поврзувањето се универзални и им припаѓаат на сите.
Овој ден е потсетник за важноста од поддршка, инклузија и почитување на лицата со попреченост, но и потсетување дека тие не треба да бидат во фокус само на 3 Декември. Тие ги живеат своите предизвици, успеси, радости и потреби секој ден, исто како и сите други, и заслужуваат континуирана внимание, разбирање и рамноправни можности.
Општината останува посветена на создавање услови за подобар, подостапен и поквалитетен живот за лицата со попреченост, а ваквите средби се доказ дека заедништвото, човечноста и инклузијата можат да ја направат нашата заедница посилна и поубава.

Општина Виница
ул. Бел Камен бр. 13
телефон: 033 361-945, mail: ovinica@t.mk